तने कद का रहा पुकार गोरख जी

तने कद का रहा पुकार गोरख जी

मेरे गोरख धूणे आले हो,
तेरे जग में खेल निराले हो,
तने कद का रहा पुकार गोरख जी,
आज्या न एक बार गोरख जी।।



तेरे नाम की ज्योत जगाई,

करया तेरा जगराता,
क्यों तू देर लगावै गोरख,
आज्या जगत विधाता,
मेरे बाबा चिमटे आले हो,
सुन भगतां के रखवाले हो,
तेरी लीला अपरंपार गोरख जी,
तू आज्या नै एक बार गोरख जी।।



भगमा बाणा तेरा धरया सै,

आकै पहर दिखा दे,
दुखै किया रोगी होगी,
आकै का रोग मिटा दे,
संकट नै मिटावण आला हो,
गिरते नै उठावण आला हो,
तेरी हो रही जय जयकार गोरख जी,
तू आज्या नै एक बार गोरख जी।।



नौ नाथों के नाथ जाग जा,

कद का तनै बुलारया,
धूणा चेतन कर राखया सै,
तेरा ध्यान लगा रया,
अंग भस्म रामाणे आला हो,
ओम शिव गाणे आला हो,
कित बैठया सै अवतार गोरख जी,
आज्या नै एक बार गोरख जी।।



लक्की शर्मा तेरे चरणों की,

सेवा ठावण लाग्या,
भंवर लाल तेरा धर्म का बेटा,
धुणा लावण लाग्या,
दोनों नै मिलावण आले हो,
म्हारा प्रेम बढ़ावण आले हो,
हम करैं तेरा सत्कार गोरख जी,
आज्या नै एक बार गोरख जी।।



मेरे गोरख धूणे आले हो,

तेरे जग में खेल निराले हो,
तने कद का रहा पुकार गोरख जी,
आज्या न एक बार गोरख जी।।

Singer / Writer – Lucky Sharma Picholiya
9034283904
Uplaod – Gajender Swami Kurlan
9996800660


Comments

No comments yet. Why don’t you start the discussion?

Leave a Reply

Your email address will not be published. Required fields are marked *