बाज्या बाज्या ढोल,
नगाङा कुंवर तेजा रे,
नौपत तो बाजी थारै नाम की,
लाग्यो लाग्यो जेठ,
अषाढ कुंवर तेजा रे,
लगतोङो आयो सावन भादवो।bd।
आया जी आया थारै आंगणीये आया,
महिमा सुणी जी थारैं नाम की,
माता सुगणा रा सपूत,
कुलजा दांतर जी रा पूत,
थाने पूजा दे दे धूप,
माथै धूल तो चढावां थारै पांव की,
आया जी आया थारै आगणीये आया,
महिमा सुणीजी थारै नाम की।bd।
राणी पेमल रा भरतार,
थारी महिमा अपरम्पार,
सबको बेङो करजो पार,
दाता ध्वजा तो फरूकै थारै नाम की,
आया जी आया थारै आगणीये आया,
महिमा सुणीजी थारै नाम की।bd।
चाहे काटे विषधर साँप,
चाहे पीङा खाचें प्राण,
थारीं तांती काटै पाप,
जग मे ओलू तो फिरै रै थारै नाम की,
आया जी आया थारै आगणीये आया,
महिमा सुणीजी थारै नाम की।bd।
बाज्या बाज्या ढोल,
नगाङा कुंवर तेजा रे,
नौपत तो बाजी थारै नाम की,
लाग्यो लाग्यो जेठ,
अषाढ कुंवर तेजा रे,
लगतोङो आयो सावन भादवो।bd।
Singer / Upload – Uma Sharma Chittoragh
94138 68367
