हिरणे डूंगर वाली,
वांकल माता महाराणी,
राखजो भगत री थे लाज,
ओ जगदम्बा राणी,
राखजो भगत री थे लाज।bd।
विक्रमादित्य रे हेले,
आविया माँ वांकल,
चाल्या चाल्या हिंगलाज सु,
आप रे जगदम्बा राणी,
आविया विरात्रा रे माय।bd।
पांडवा री धरती कहिजे,
चौहटन में माँ वांकल,
उणमें कहिजे विरात्रा गांव,
ओ जगदम्बा राणी,
राखजो भगत री थे लाज।bd।
आया आया हिरणे डूंगर,
माय ने मा वांकल,
जठे रे जागी रे थारी ज्योत,
ओ जगदम्बा राणी,
जागी जागी दिवला वाली ज्योत।bd।
वीराणो विरात्रा में,
धाम रे माँ वांकल,
गावे गावे तीर्थ गुणगान,
ओ वांकल महाराणी,
राखजो भगत री थे लाज।bd।
हिरणे डूंगर वाली,
वांकल माता महाराणी,
राखजो भगत री थे लाज,
ओ जगदम्बा राणी,
राखजो भगत री थे लाज।bd।
गायक – तीर्थ राखेचा।
+91 9799426454
